Pasi firmosi dokumentat e divorcit me Channing Tatum në tetor të vitit 2018, u zbulua romanca e re e aktores Jenna Dewan me Steve Kazee.
Megjithëse u munduan të fshiheshin nga sytë e mediave, kjo nuk zgjati shumë kohë dhe Jenna doli hapur në publik me partnerin e saj të ri.
Për më tepër, shtatorin që lamë pas, aktorja bëri të ditur se është në pritje të ëmbël dhe së bashku me aktorin u shprehën shumë të lumtur që familja e tyre po zgjerohej.
Jenna është mama e vogëlushes 6-vjeçare, Everly, nga martesa e saj e parë me Tatum, ndërsa tashmë po pret fëmijën e dytë me Kazee.
Para se foshnja të vijë në jetë, çifti ka shpallur fejesën dhe këtë lajm e tregoi vetë Jenna në llogarinë e saj në Instagram.
Ajo publikoi një foto me partnerin ku i dukej qartë unaza në gisht, ndërsa krahas saj shkroi:
“Një jetë për të të dashur dhe për t’u rritur me ty. Ti ke zemrën time”
https://www.instagram.com/p/B8u4uo-BBvK/
