Tërmeti shkatërrues i 26 nëntorit që goditi Shqipërinë, mori 51 jetë njerëzish dhe shkaktoi dëme serioze.
Pas tragjedisë të shumtë ishin shtetet që dhanë ndihma për të prekurit dhe tashmë edhe Gjermania ka ofruar ndihma monetare.
Gjermania ofroi menjëherë ndihmën e saj nëpërmjet ekspertëve të Agjencisë të Asistencës Teknike, por tani bëhet fjalë për rindërtim dhe ky shtet ka premtuar se do të japë 11 milionë euro.
“Gjermania ofroi menjëherë ndihmën e saj nëpërmjet ekspertëve të Agjencisë të Asistencës Teknike. Por tani bëhet fjalë për rindërtimin. Qytetarët në zonat e prekura kanë nevojë për banesa, shkolla dhe kopshte. Gjermania vë në dispozicion për këtë 11 milionë euro. Është një dëshmi e fortë e solidaritetit të BE-së me Shqipërinë fakti që Komisioni Evropian po koordinon asistencën ndërkombëtare të emergjencës dhe ka thirrur për këtë qëllim konferencën e sotme të donatorëve”, tha Ministri i Jashtëm i Gjermanisë, Federal Heiko Maas sot në Konferencën e Donatorëve për Rindërtimin.
