E ftuar sot në mbrëmje në emisionin “Opinion”, Alketa Vejsiu ka folur edhe një herë për bujën e madhe që u krijua pas finales së Festivalit të Këngës në RTSH.
Ajo u shpreh krenare për fitoren e Arilena Arës, për të cilën u shpreh se është një vajzë super e talentuar, por tha dhe dy fjalë për anëtaren e jurisë që e vlerësoi me 2 pikë Elvana Gjatën, duke e penalizuar.
“Jam shumë krenare që Arilena e ka fituar dhe e ka mbajtur prestigjin e atij çmimi. Nuk ka dyshim që është një vajzë super e talentuar. Kam patur vetëm një rezervë që në fillim kur Arilena u bë pjesë e kastit sepse Shqipëria vuan nga nepotizmi dhe gjithmonë prioritizohen njerëit që janë afër nesh ata zënë vend pune, ata marrin çmime, por kam qenë kundra zgjedhjes së pjesë tjetër të stafit që ajo të ishte pjesë e festivalit vetëm për këtë shkak se mos u presë ëndrrat të tjerëve. Është 21 vjeç mund të vinte në festivalin tjetër ta fitonte por jo në kurriz të kësaj kauze”
“A e kishit përzgjedhur”, e pyeti Fevziu.
“Unë s’kam fuqi ta përzgjedh. Kam qenë e distancuar nuk i kam njohur tre anëtarët e tjerë të jurisë. E kam njohur në skenë suedezin, kur erdhi dhe dha çmimin për herë të parë. Nuk dija prezencën e dy shqiptarëve që janë futur në moment të fundit, por për këtë mund të japë shpjegime drejtori i Radio Televizionit Publik Shqiptar, nuk e kam unë tagrin të jap sqarime. Unë di të them vetëm një gjë: Që 2-pikëshi i Mikaela Mingës, për mua ka qenë histori e pasqaruar dhe 2-pikëshi për mua ka pasur vërtet abuzim se nuk mund që një vajzë që ka bërë 40 hite ti ta penalizosh dhe ta fyesh. 2-shi është histori e errët që më ka mbetur e pazgjidhur, por unë e kam mbyllur me deklaratën time në Instagram. Më vjen keq që dhe Elvana dhe Arilena janë lënduar të dyja, me vjen keq se janë vajza dhe unë i mbështes vajzat dhe jam në këtë profesion për t’i mbështetur”, u shpreh Alketa.
