Alketa Vejsiu ka treguar sot në mbrëmje, e ftuar në emisionin “Opinion” se pjesmarrja e saj në “Sanremo”, ishte një ëndërr e bërë realitet.
Dhe kur flasim për ëndërr e kemi fjalën për atë që moderatorja e njohur ka parë 3 vite më parë.
Alketa Vejsiu u shpreh se është shumë supersticioze ndërsa tregoi ëndrrën që kishte parë 3 vite më parë dhe ia kishte treguar edhe bashkëshortit:
Si arritët të shkonit në “Sanremo”?
“Jam supersticioze, e mora atë që u dhashë italianëve. Historia ime është interesante, është ëndrra ime personale. Shkova si Alketa që ka një ëndërr. 3 vjet me parë pashë një ëndërr në anën tjetër të botës në Hawai. Maria De Filippi del në ëndrrën time dhe më thotë: Çfarë bën ti në Shqipëri, Ti duhet të vish në itali se na duhet një si ty!”.
Më pas Alketa ia tregoi ëndrrën bashkëshortit dhe ai iu përgjigj:
“Unë kur të kam njohur mbaj mend që kishte dëshirë të shkoje të ‘Amici’! Pse e le përgjysmë?”.
Dhe çfarë bëri moderatorja?! Ajo u përpoq bashkë me ekipin e saj të marketingut për t’u takuar me Maria De Filippi-n por nuk arriti dot, ndaj vendosi të synojë “Sanremo”-n dhe iu premtua monologu për eksodin e shqiptarëve për t’u prezantuar në “Sanremo 2019”, por për fat të keq kjo nuk u realizua.
Dhe kur Amadeus vendosi këtë vit që Alketa do të ishte bashkëprezantuese e tij, Alketa nuk dinte gjë.
“Ndalova makinën dhe bëra një të qarë”, u shpreh ajo e emocionuar.
Alketa u shpreh se në “Sanremo” shkoi si Alketa, ishte arritje personale, por për këtë duhet të gëzoheshin të gjithë shqiptarët:
“Shkova si Alketa se kam 20 vite karrierë por kur një shqiptar bën një turp, një krim, në skandal, turpin e marrin të gjithë, e njëjta gjë ndodh kur bën diçka të mirë”.
Pas pyetjes së Fevziut nëse ka paguar për të qenë në “Sanremo”, Vejsiu u përgjigj:
“Jo, më kanë paguar dhe më kanë paguar mirë… S’kam paguar absolutisht asgjë… Menaxherët marrin komision për punën që ti merr, por ende nuk kam hyrë në këtë sistem. Unë jam në momentin e promovimit. Më duhej një trampolinë që të tregoja që e bëj mirë këtë punë. E bëra, sepse Sanremo ka qenë ëndrra ime. Nuk e bëra sepse pretendoj të fitoj një kontratë pune, sepse jam në Tv Klan me 3 produksione këtë vit shumë e lumtur.”
