Tre vite më parë, 19-vjeçari Marvi Mihali mbeti i vrarë në Tiranë për shkak të një sherri mes të rinjsh.
E gjithë zënka ndodhi për një karikues, ndërsa ky sherr banal i mori jetën 19-vjeçarit i cili ishte djalë i vetëm.
Prindërit e Marvit luftuan për të vënë në vend drejtësinë për të birin, ndërsa 3 vite pas hidhërimit të thellë, ka lindur sërish shpresa në shtëpinë e tyre.
Fatmira dhe Pavllo Mihali janë bërë me vajzë, megjithëse mosha e tyre i kalon të 50-tat.
Lajmin e bukur e dha gazetari Bledi Mane në një postim në profilin e tij në Facebook.
“LAJM I GËZUAR/ MARVI MIHALI BËHET ME MOTËR!
E mbani mend para tre vitesh, u kujtohet vrasja makabre për një karikues celulari e djaloshit 19 vjeçar Marvi Mihali në Tiranë?
Veç dhimbjes, veç humbjes, veç jetës së djalit të tyre të vetëm ndërperë padrejtësisht, prindërit e Marvit luftuan si heronj edhe me drejtësinë halabake dhe vampire shqiptare. Dy prindër intelektualë kurajozë, këmbëngulën duke i dhënë krimit dhe gjykatave shqiptare mësimin e merituar. Megjithëse në moshë mbi 50 vjeç, mësuesja e anglishtes Fatmira dhe bashkëshorti i saj Pavllo Mihali, kampioni i dikurshëm i atletikës, sot kanë arsye të mposhtin dhimbjen dhe të fillojnë të lumturohen gradualisht. Ata sapo janë bërë prindër të një vajze duke na treguar të gjithëve se jeta ngrihet mbi plagët e vdekjes.
Vëllai më i ri në Tiranë Marvi Mihali tashmë nuk lëngon në varr nga plagët e vrasjes me thikë, ai gëzon se tashmë ka një motër të vogël të bukur e cila erdhi në jetë jo për hakmarrje por për të përcjellë dashuri në një vend të plagosur nga qytetarët e tij…”- shkruhet nëpostim.
https://www.facebook.com/bledi.mane/photos/a.745644978818790/2663883466994922/?type=3&theater
Në prill të vitit 2019 u dha edhe dënimi për 4 të akuzuarit për vrasjen e 19-vjeçarit.
Gjykata vendosi të dënojë me 12 vite burg Eugen Bitrajn, vëllezërit Kridens dhe Marsel Allajn (në mungesë) dhe me 19 vite burg autorin kryesor Dejvis Bitrajn.
