Pse thonë se lista e viktimave apo të infektuarve nga Koronavirusi mund të jetë shumë më e lartë sesa raportohet?
Profesori David Hui Shu-cheong, një ekspert i mjekësisë së frymëmarrjes në Universitetin Kinez të Hong Kongut, tha që numri zyrtar i rasteve të Koronavirusit në Wuhan, përfshin vetëm individë të pranuar në spitale.
Ai tha:
“Tabela zyrtare në Wuhan mund të ishte ” vetëm maja e ajsbergut ” sepse reflektonte vetëm rastet akute kur pacientët u shtruan në spital”.
Por çështja kryesore për numrat zyrtarë të viktimave është fakti se Wuhan, ku shpërthimi u raportua për herë të parë, nuk ka qenë në gjendje të trajtojë të gjithë pacientët për shkak të mungesës së spitaleve dhe infrastrukturës.
Fotografitë dhe videot e marra nga Wuhan tregojnë se spitalet janë të tejmbushur me lista të gjata për pranim dhe shumë individë u panë duke humbur ndjenjat jashtë spitaleve, në pamundësi për të marrë ndihmë të specializuar.
Pamjet nga SCMP, një site kryesor në Hong Kong, gjithashtu treguan se infermierët dhe stafi i spitalit janë jashtëzakonisht të mbingarkuar.
Shumë infermierë janë duke fjetur brenda ambientit me rrobat e punës për të kursyer kohë dhe për të ndihmuar sa më shumë pacientë të jetë e mundur.
Duke qenë se nuk mund të merren në konsideratë të gjithë individët që nuk janë pranuar në spitale, ekspertët shprehen se numri i rasteve të konfirmuara ka të ngjarë të jetë shumë më i lartë se 20,000.
/CCN
