Vrasja horror që ka ndodhur mesnatën e sotme në Xhafzotaj të Durrësit ka tronditur mbarë opinionin.
Shtetasi Lulzim Cuku ka goditur tre herë me thikë bashkëshorten Manjola në prani të tre fëmijëve.
Pas aktit të rëndë mësohet se ai është larguar dhe policia është ende në kërkim të tij.
Sipas informacioneve të para, dyshohet se ngjarja ka ndodhur për motive xhelozie.
Fqinjët e çiftit tregojnë se kanë dëgjuar ulërimat e 33-vjeçares dhe kanë njoftuar menjëherë policinë, por 45-vjeçari ia ka dal të largohet.
Burime për “Faxweb.al” kanë mësuar se ai e ka masakruar bashkëshorten në banjo, teksa ajo po kërkonte ndihmë nga të afërmit.
Në zonën ku ata jetonin, 45-vjeçari njihej i një tip problematik dhe jo i qendrueshëm, kurse bashkëshortja e qetë dhe familjare.
Thuhet se marrëdhënia mes çiftit kishte rreth tre muaj që kishte pësuar krisje të forta, pasi autori dyshonte se viktima kishte një lidhje jashtëmartesore.
