Nëse kapeni me celular gjatë provimeve të maturës shtetërore, humbisni vitin.
Ministrja e Arsimit, Besa Shahini, foli sot për ashpërsimin e masave disiplinore për përdorimin e celularit.
Për pasojë, nëse një maturant paraqitet në qendrën e provimit ose që konstatohet gjatë provimit me celular, përjashtohet nga të gjitha provimet e maturës shtetërore dhe ka të drejtë t’i japë ato pas një viti.
“Për Maturën Shtetërore janë shtuar edhe masat disiplinore: paraqitja e maturantit në qendrën e provimit dhe/ose konstatimi gjatë tij me #celular sjell përjashtim direkt nga të gjitha provimet e maturës dhe e detyron t’i japë ato pas një viti.#MaturaShtetërore2020”,-shkruan ministrja e Arsimit, Besa Shahini.
Gjithashtu, ministrja njoftoi se përveç punonjësve të Ministrisë në provime, monitorues do të jenë edhe praktikantët e mësuesisë.
“Përveç oficerëve të sigurisë, punonjësve të #MASR dhe institucioneve të varësisë, administratorë provimi këtë vit në Maturën Shtetërore do të jenë edhe praktikantët e mësuesisë, të cilët nuk janë as të fushës për të cilin zhvillohet provimi dhe nuk e administrojnë provimin në qytetin ku kanë zhvilluar praktikën.-shkruan MASR,ndërsa më herët, jepet lajmi se provimet do të vlerësohen në mënyrë elektronike.
