Reperi i famshëm amerikan, T.I, i ka shokuar të gjithë dy muaj më parë me deklaratën e tij, pasi u shpreh se çdo vit dërgonte të bijën tek doktori për t’i kontrolluar himenin.
Megjithëse vajza e tij i ka mbushur tashmë 18 vjeç, reperi tregoi se himeni i së bijës është ende i paprekur.
Deklarata e tij shokoi publikun dhe reperi u qortua nga ndjekësit për këtë veprim i cili sipas tyre, i cënonte privatësinë vajzës së tij.
Për këtë arsye, ai ka kërkuar publikisht falje të bijës pas 2 muajsh nëpërmjet një postimi në Instagram.
https://www.instagram.com/p/B7z1Jd6hr-r/?utm_source=ig_embed
“Vajza ju dua më shumë sesa mund ta them me fjalë. Jeni rritur kaq shumë para syve të mi dhe jeni shndërruar në femra të forta, me mendime brilante dhe të pavarura. Jam kaq krenar për ju të dyja dhe ju dua pafund, më shumë sesa e imagjinoni. Ju lutem më falni për të gjitha keqkuptimet mes nesh. Akuzoni trurin tim, jo zemrën. Jeta mund të na përballë me momente të këqija herë pas here, por unë do të jem atje për t’ju ngritur kur rrëzoheni. S’mund të lë asnjë sekond më shumë të kalojë pa ju thënë se për sa kohë jemi në këtë jetë së bashku, keni të gjithë dashurinë time gjatë gjithë jetës time dhe më pas.”- shkruan reperi.
