Është rritur sërish numri i viktimave nga Koronavirusi. Sipas raportimeve në media numri i të vdekurve nga virusi ka shkuar në 132 persona.
Edhe numri i të prekurve është rritur ku zyrtarisht numërohen 5974 persona të prekur dhe rreth 9239 të dyshuar.
Koronavirus e ka vatrën në Wuhan por është përhapur edhe në 16 vende të tjera ku së fundmi janë raportuar 3 raste edhe në Gjermani.
Ndërkohë disa shkencëtarë australianë, pretendojnë se kanë gjetur informacione të rëndësishme për virusin dhe shpresojnë se të dhënat do ndihmojnë në gjetjen e trajtimit për virusin.
Ky virus është kthyer në makth për të gjithë botën dhe tashmë njerëzit që lëvizin nga Kina përballen me kontrolle të shumta në aeroporte apo në dogana.
