Pas një takimi të hënën në Sandringham, Norfolk, Mbretëresha Elizabeth II ka publikuar një deklaratë në lidhje me shkëputjen nga familja mbretërore e nipit të saj, Princit Harry së bashku me bashkëshorten Meghan Markle.
Pas njoftimit të çiftit javën e kaluar se ata do të “tërhiqeshin” nga rolet e tyre mbretërore, Mbretëresha bëri thirrje për një diskutim ku përfshiheshin Harry, Prince Charles dhe Prince William dhe Meghan që raportohet se do t’ju bashkohej me video konferencë.
Mbretëresha pranoi se do të kishte “preferuar” për duken dhe dukeshën të mbanin rolet e tyre mbretërore, por tha se ajo është “një mbështetëse” për planin e tyre të ri.
“Sot familja ime kishte diskutime shumë konstruktive mbi të ardhmen e nipit tim dhe familjes së tij”, thuhet në deklaratën e mbretëreshës.
“Familja ime dhe unë jemi plotësisht mbështetës të dëshirës së Harry-t dhe Meghan për të krijuar një jetë të re si një familje e re. Megjithëse do të preferonim që ata të mbeteshin anëtarë që punojnë me kohë të plotë të Familjes Mbretërore, ne e respektojmë dhe e kuptojmë dëshirën e tyre për të jetuar një jetë më të pavarur si familje, duke mbetur një pjesë e vlerësuar e familjes time.
Harry dhe Meghan kanë sqaruar se nuk duan të mbështeten në fondet publike në jetën e tyre të re. Prandaj është rënë dakord që do të ketë një periudhë tranzicioni në të cilën ata do të kalojnë kohë në Kanada dhe në U.K.
Këto janë çështje komplekse për t’u zgjidhur, dhe ka ende shumë punë për të bërë, por unë kam kërkuar që vendimet përfundimtare të merren në ditët në vijim”, shkruhet në deklaratë.
/Yahoo
