Një grua 50-vjeçare është masakruar nga 3 të rinj më 5 janar në fshatin Gjerbës të Mallakastrës.
Nipi i bashkëshortit të 50-vjeçares, djali i vëllait, 16 vjeç i hyri në banesë për të vjedhur me dy shokë dhe pasi ajo i ka pikasur e kanë hedhur në rezervuarin e fshatit.
Gjatë marrjes në pyetje nga oficerët e policisë, i riu jo vetëm që ka pranuar fajin, por edhe është përlotur.
Sipas “Lapsi.al”, ai është shprehur para hetuesëve se e ka frikë burgun, duke kërkuar falje për veprimin e tij.
“Neve donim vetëm të merrnim paratë. Ajo më njohu dhe filloi të bërtiste, duke na trembur se mund ta na gjente Policia brenda. Nuk e kishim menduar ta vrisnim. Na doli jashtë kontrollit situata. Ju lutem, më falni se e kam frikë burgun”- ka treguar L.Saliaj.
Gjithashtu, krimin e kanë pranuar edhe shokët e të riut, të cilët kanë treguar se ai i kishte orientuar drejt shtëpisë.
Sipas informacioneve të grupit hetimor, gjendja psikologjike e djemve është mjaft e rëndë.
Në polici janë shoqëruar gjithashtu edhe familjarët e viktimës dhe autorëve të dyshuarve për vrajsen.
