Janë përcjellë për në banesën e fundit dy të rinjtë Lindita dhe Veton Musai, që u vranë me armë nga babai i vajzës në Australi.
Këtë të shtunë, mediat vendase kanë publikuar pamjet nga lamtumira e fundit që iu bë dy të rinjve nga familjarët e të afërmit.
Me lot trishtimi dhe dhimbje në zemër, të rinjtë u përcollën në dy arkivole të bardhë.
Ngjarja e rëndë ndodhi natën e ndërrimit të viteve në familjen shqiptare në Yarraville, Melbourne, ku babai qëlloi për vdekje me armë zjarri të bijën dhe bashkëshortin e saj.
55-vjeçari Osman Shaptafaj qëlloi me armë zjarri fillimisht të bijën 25-vjeçare Lindita Musai e cila ka gjetur vdekjen në vend, e më pas partnerin e saj, 29-vjeçarin Veton Musai, i cili u nda nga jeta ditën e enjte në spital.
Pas aktit të rëndë, 55-vjeçari tentoi të vrasë veten dhe vijon të jetë në gjendje të rëndë në spital.
