Presidenti turk i bëri thirrje botës të marrë një qëndrim të fortë në përgjigje të terrorizmit, pas një sulmi kamikaz ku mbetën të vrarë 36 personave dhe u plagosën 147 të tjerë, në aeroportin “Ataturk” në Stamboll.
Rexhep Tajip Erdogan i bëri thirrje pjesës tjetër të botës për të parë se objektivi mund të ketë qenë “Londra, Berlini, Çikago”, pasi reagimi ndërkombëtarë duket se ishte “pauzë”.
Por të tjetër sugjerojnë se reagimi do të ishte shumë më i madh nëse incidenti do të ndodhtë në të njëjtën përmasë në një vend të Europës Perëndimore.
“Fatkeqësisht piktura nuk kërkon një mbishkrim… por lista e datave vazhdon të rritet”, shkruan një qytetarë në “Twitter”.
“Ky imazh është kaq i trishtuar, por i vërtetë”, thuhet në dixhiturën e një tjetër imazhi.
Ndërsa qeveria i bën lutje botës që nevojitet të bashkohet për “të luftuar terrorizmin së bashku”, e njëjta lutje vjen nga të gjithë qytetarët që janë sensibilizuar kudo në botë për terrorin që po përjeton prej kohësh Turqia.
Dëshmitarët e kanë përshkruar të tmerrshme momentet kur tre kamikazë nisur një sulm të koordinuar në aeroportin e Stambollit, duke thënë se kishte gjak dhe pjesë trupi kudo.
Kamerat e sigurisë së aeroportit regjistruan dhe momentin kur një efektiv policie plagosi njërin prej agresorëve, i cili pas kësaj shpërtheu brezin me eksploziv që mbante në trup.
I përshëndetur tani nga mediat si hero, polici qëllon sulmuesin duke i penguar hyrjen mes turmës së njerëzve ku do të kishte shkaktuar edhe më shumë viktima, e kur ai bie në tokë, efektivi i afrohet për ta parë. Në atë moment kupton, siç duket, se militanti kishte lëndë shpërthyese e largohet me vrap, ndërsa disa sekonda më vonë vjen shpërthimi.
Njerëz të skenës, të fushës së artit dhe të modës shprehën mbështetjen dhe lutjet e tyre për Turqin, përmes postimeve në rrjetet sociale.
Burimi: Independent/Daily Mail
