Këtë vit nuk u zhvillua meshë Krishtlindjesh në katedralen Notre Dame, për herë të parë në më shumë se 200 vjet.
Kisha historike e kryeqytetit francez u dogj nga zjarri tetë muaj më parë, gjatë të cilit kupola u shkatërrua plotësisht.
Sipas një zëdhënëseje, mesha e Krishtlindjesh është mbajtur çdo vit në katedralen e Notre Dame-it që nga viti 1803, edhe gjatë pushtimit gjerman të Parisit në Luftën e Dytë Botërore.
Në 15 prill e gjithë bota u shokua teksa në çdo media përcilleshin pamje të katedrales teksa digjej.
Presidenti francez Emmanuel Macron deklaroi se katedralja do të rindërtohet deri në vitin 2024.
