Mbi 10 mijë lodra fëmijësh jashtë standardeve të cilësisë janë bllokuar nga Inspektorati i Mbikëqyrjes së Tregut.
Inspektorët kanë nisur punën në tregjet kryesore të kryeqytetit për të kontrolluar lodrat që shiten.
“Rezulton që kemi një problematikë shumë të madhe që lidhet me lodrat që qarkullojnë në treg. Prindërit duhet të bëjnë kujdes në momentin që bëjnë dhurata për fëmijët, pasi kanë rrezik të lartë për shëndetin e fëmijëve”, shprehet Inspektori i Mbikëqyrjes së tregut.
Autoritetet bëjnë thirrje që prindërit të kontrollojnë shenjën CE përpara se të blejnë lodrat për fëmijët, ky shenjim do të thotë se malli është brenda standardeve të certifikuara nga Bashkimi Europian.
