Me zërin që i dridhej nga emocioni, Arilena Ara ka dhënë intervistën e parë para kamerave si fituesja e Festivalit të 58 të Këngës.
Këngëtarja u shpreh mjaft e prekur nga mbështetja e publikut, ndërsa shtoi se tani ka një përgjegjësi akoma më të madhe që do të përfaqësojë një shtet në Eurovision.
Arilena theksoi se në këtë këngë dha gjithë shpirtin dhe ndjesitë e saj personale, ndaj edhe e vlerësoi shumë mbështetjen që mori nga publiku dhe juria.
“Nuk e kisha menduar asnjëherë. Më emocion kam tani sesa para publikut se po shikoj gjithë këto kamera e nuk di çfarë kam bërë për ta merituar.
Dhashë gjithë shpirtin gjithë muzikën time dhe u përpoqa të artikuloj çdo ndjesi e emocion timin, jam e lumtur që ia arrita dhe që publiku e vlerësoi këngën time, qoftë dhe juria. Tani kam një përgjegjësi më të madhe, nuk e di a jam gati të përfaqësoj një shtet. Zemra po më del nga vendi. Falenderoj publikun që më rriti mua dhe që më solli këtu ku jam sot”.
