Për herë të parë pas shumë dekadash, në skenën e festivalit të Këngës do të ngjitet edhe artistja e mirënjohur, Lindita Theodori.
E larguar prej vitesh drejt Londrës, Mjeshtrja e Madhe e Muzikës pritet të jetë krah Alketa Vejsiut në një prej netëve të festivalit, për të na folur për karrierën e saj ndër vite.
Theodori do t’i shtohet listës së artistëve të mirënjohur që do të ngjiten në këtë skenë.
Më herët, moderatorja Alketa Vejsiu zbuloi se në skenën e festivalit do të ngjiten edhe tre të ftuar specialë me famë botërore: Giusy Ferreri, Eleni Foureira dhe Mahmood.
Festivali i 58-të i Këngës që do të nisë të enjten e 19 dhjetorit, do të jetë një prej eventeve më të mëdhenj të muzikës shqiptare në këto vite, që këtë vit i është besuar dyshes Vera Grabocka-Alketa Vejsiu.
