Këngëtari Robert Berisha ishte i ftuar në emisionin “Aperi Fest” me Eni Shehun, për të folur si për këngën e tij, ashtu edhe për këngët e tjera pjesëmarrëse në “Festivalin e RTSH-së”.
I pyetur nga moderatori se ç’mendon për këngët që po konkurrojnë këtë vit, Roberti u shpreh se priste më shumë nga Elvana Gjata dhe Arilena Ara.
Sipas Robertit, këngët e tyre ishin “për varrim”, pasi i dukeshin tepër vajtuese.
“Po më vjen shumë keq ta them, por kam pritur më shumë prej Elvanës dhe Arilenës. Kanë këngë për varrime. Më vjen shumë keq se i kam kolege. Elvana gjithë karrierën e saj ka patur këngë të mira, ndërsa kënga e festivalit më duket se nuk i ‘flen’ Elvanës”- ka treguar Roberti.
https://www.youtube.com/watch?v=3NDgI_ykoiU&feature=emb_title
Këngëtari do të konkurrojë me këngën “Ajo nuk është unë”, për të cilën të gjithë menduan se i dedikohet Nora Istrefit.
Mirëpo, Roberti tregoi më herët gjatë një interviste se është thjesht një këngë e shkruar nga dikush tjetër dhe ai nuk ia dedikon askujt.
https://www.youtube.com/watch?v=rfQrTWhI9tQ
