Dy ditë më parë Dafina Zeqiri publikoi këngën e saj më të re “Vuj vuj vuj”.
Që në momentet e para kënga u prit mjaft mirë nga publiku, dhe për një kohë të shkurtër po arrin gati 1 milion klikime.
Kënga është shoqëruar me një videoklip të veçantë, i cili duket se e ka ‘torturuar’ Dafinën derisa e ka realizuar.
Dafina ka publikuar ditën e sotme në Instagram një video të shkurtër përmbledhëse nga prapaskenat e xhirimit të klipit.
Këngëtarja ka treguar se gjatë xhirimeve nuk ka qenë mirë nga ana shëndetësore, pasi ishte ftohur dhe nuk duhej të lëvizte nga shtrati. Megjithatë duket se ajo nuk i ka ndjekur këto rregulla dhe është përpjekur për të realizuar klipin edhe në ato kushte.
“Prapaskenat e ‘Vuj vuj vuj’. U kënaqa shumë edhe pse isha keq nga gripi dhe nuk më lejohej të lija shtratin! Ftova një nga mbështetësit e mi më të mirë për të filmuar gjithë eksperiencën pas kamerave (gjithashtu sepse ai është një artist i ardhshëm)”, ka shkruar Dafina në video.
https://www.instagram.com/p/B6HVekghtAY/
Kjo video tregon se puna e artistëve nuk është aspak e lehtë dhe ajo që ne shohim në ekran nuk është as gjysma e sakrificës së tyre.
