Viti 2019 ka qenë një vit i mbarë për këngëtaren Miriam Cani, i cili po mbyllet në mënyrën më të bukur, në pritje të bebushit numër dy.
Në një rrëfim për “Revista Who”, këngëtarja ka treguar si po e përjeton pritjen e ëmbël, për të cilën shprehet se ka të njëjtat emocione si në shtatzëninë e parë.
Mirëpo, e vetmja e veçantë është fakti që tashmë ajo dhe Albani po presin një djalë, ndaj janë tepër kuriozë të njohin këtë ndjesi të re.
“Emocionet janë po aq të mëdha si herën e parë. Këtë herë presim një djalë ndaj dhe janë emocione të reja dhe të paprovuara më parë. Ndihemi të bekuar.
Të dy jemi lumturuar pa masë. Çfarë do që të ishte për ne është bekim dhe dhuratë e Zotit, por fakti që do kemi tani një vajzë dhe një djalë në shtëpi është një lumturi shumë e madhe dhe vërtet gjithçka që mund të ëndërronim. Për Albanin do bëhet pa diskutim një shok shumë i mirë ashtu siç është bërë shoqe Ameli tashmë për mua”- tregon Miriam.
Gjithashtu, këngëtarja tregon se e ka menduar një emër për të voglin, megjithatë nuk do ta tregojë derisa të binden plotësisht që ai do të jetë emri që do të zgjedhin.
“E kemi menduar! Nuk kemi patur shumë alternativa sepse ky emër erdhi në mënyrë shumë instinktive dhe ka një kuptim për ne dhe po ashtu edhe për bebin (buzëqesh). Kemi dhe disa opsione të tjerë, por ende i japim dhe pak kohë vetes për të vendosur plotësisht.”
Miriam shprehet se me shumë mundësi edhe të voglit do t”i dedikohet një këngë pas lindjes, megjithatë kjo mbetet të shikohet me kohën.
Për më tepër, këngëtarja rrëfen se gjatë shtatzënisë ka qenë e frzmëzuar dhe ka punuar për projekte të reja, ndaj vitit 2020 do të vija me surpriza nga ana e saj.
“Do shihemi në vitin 2020 pa diskutim me plot surpriza të bukura.”- shprehet Miriami, duke na lënë kuriozë për projektet e saj të reja.
