Me siguri të gjithë po prisnit që pjesë e rubrikës të ishte Jonida Maliqi!
Këngëtarja, plot stil që na ka frymëzuar gjithmonë me veshjet e saj të guximshme.
Epo këtë javë do u tregojmë pikërisht 3 detajet më ‘must’ të sezonit vjeshtë-dimër që na i zbulon pikërisht Jonida.
Maliqi ka përzgjedhur me kujdes 3 detaje që mund t’i vishni pa asnjë problem në çdo moment të ditës.
Për t’u ardhur në ndihmë këngëtarja zbulon edhe disa ide kombinimi të thëna të gjitha nga ajo dhe me siguri do ju ndihmojnë shumë në këto ditë të ftohta.
Animal print
Përherë ka qenë, është dhe do të jetë ‘must’. Sigurisht që duhet të jesh edhe pak e guximshme për ta veshur atë sepse padashur mund të vulgarizojë. Snake print këtë sezon është trend dhe unë kam zgjedhur trench coat në ngjyrat bardhë e zi dhe gri të cilat më qëndrojnë më së miri edhe me flokët dhe lëkurën time. Kombinimi i saj mund të jetë që nga tutat me atlete e deri tek fustanet me taka apo çizme.
Fundet e gjatë të loguar
Asnjëherë nuk i kam parapëlqyer veshjet e loguara fort. Por këtë sezon nuk i rezistova dot fundit të gjatë nga “Gucci”, sepse këtë model fundi gjithnjë e kam adhuruar pasi është shumë feminil dhe mund ta trajtosh lehtësisht edhe në mënyrë sportive por edhe më chic në varësi të këpucës që do të përzgjedhësh.
Pantallona me shkëlqim
Se kisha menduar kurrë që do të mund të vishja pantallona të një materiali të tillë… Pasi për sezonin e dimrit gjithnjë kam preferuar pantallonat e lëkurës slim fit në ngjyra të ndryshme. Mesa duket edhe unë u infektova nga trendi i pantallonave plot shkëlqim që duket latex pants, të cilat janë vërtete komode dhe aspak të bezdisshme. E gjithë vëmendja shkon tek to ndaj për pjesën e sipërme nuk lodhem për t’i kombinuar. Mjafton një t-shirt apo një këmishë dhe ja tek u krijua një look.
