Këngëtarja e njohur Xheisara, e cila nuk mundi të kalojë dot në finalen e “Këngës Magjike”, shprehu pakënaqësinë e saj për votimet e jurisë.
Në një intervistë për “Thumb On”, ajo tregoi se nuk e kuptoi reagimin e Jonida Maliqit, e cila nuk i dha dritën jeshile për të kaluar. Madje Xheisara shtoi se kishte marrë edhe komente të tipit, “mos i ke ngacmuar Romeon”, duke iu referuar marrëdhënies shumë të përfolur mes tij dhe Jonidës, që nuk është konfirmuar kurrë nga palët.
“Nuk e prisja nga Jonida Maliqi se ajo më ka mbështetur në “The Voice”. Më thoshin disa mos i ke ngacmuar Romeon Jonidës, por unë s’kam kohë të merrem, nuk kam bërë kurrë nga këto”, u shpreh Xheisara.
Ajo gjithashtu tha se i kishte shkruar një mesazh Jonidës duke i thënë se shpresonte të mos i ngelte në memorie, por nuk kishte marrë përgjigje.
“Unë nuk jam tip lëpirës. Mbase ata të tjerët kanë bërë lajka që kanë marrë vota. Unë këndoj pranë Aurela Gaçes dhe kam gjithë botën. Aurela Gaçes i përulem. Nëse do ishte Aurela qe do më jepte këtë vlerësim nuk do mërzitesha. Aurela më mori në telefon dhe më tregoi disa gjëra që më shërbyen. Bravo të qoftë tha. Vazhdoj ta them, nuk kam asgjë me Jonidën, por vetëm nga fakti që mu kundërvu. Nuk e prisja se ajo ka folur me superlativa për mua”, shtoi këngëtarja.
https://www.instagram.com/p/B5q3SbWlHet/
Ndërkohë, përgjigja e Jonida Maliqit ka ardhur sot përmes një postimi në Instagram. Këngëtarja ka bërë një reflektim mbi të qenit artist dhe shprehet se që të jesh i tillë, duhet të kesh një shpirt të pastër dhe këmbë në tokë. Ajo jep një mesazh mjaft të qartë duke thënë se: Jeta vazhdon!
Jonida bën dhe një falenderim të veçantë për producentin e “Këngës Magjike”, Ardit Gjebrea, i cili është kujdesur për të gjatë këtyre muajve:
“Mirënjohje për të gjithë ata që ishin pjesë e @kengamagjikeofficial veçanërisht për ty @arditgjebrea që je kujdesur gjatë këtyre muajve për secilin prej nesh. Jam e lumtur që nga kjo eksperience mësova kaq shumë. Të jesh artist mbi të gjitha duhet të jesh një shpirt i pastër dhe me këmbë në tokë… kjo e fundit me gjithë drithërimat e saj na beri të reflektojmë se jeta vazhdon ?.Të jesh artist mbi të gjitha duhet te jesh një shpirt i pastër dhe me këmbë ne toke… kjo e fundit me gjithë drithërimat e saj na bëri te reflektojmë se jeta vazhdon ?”, shkruan ndër të tjera Jonida Maliqi.
https://www.instagram.com/p/B54pCfen_5O/
