Petrit Lekaj, 49-vjeçari shqiptaro-australian që qëlloi për vdekje me thikë vajzën e tij, Sabrina, ka qenë disa herë i dënuar për drogë.
“Klan tv” shkruan se në vitin 1996 ai ishte dënuar me 2 vite burgim për shitje heroine.
“Në vitin 2007, Lekaj u shpall sërish fajtor dhe u dënua me 200 dollarë gjobë për posedim kanabisi. Dy vite më vonë, 49-vjeçari u dënua sërish më 900 dollarë gjobë pasi u zbulua se kishte kultivuar disa bimë kanabisi”.
Në Korrik të këtij viti, 20-vjeçarja u gjet e pajetë në një makinë “Mercedes”. Brenda automjetit ishte i pranishëm edhe babai i saj, i ulur në sedijen e shoferit, i cili ishte i plagosur.
Ai kishte tentuar të vetëvritej por në momentin kur u gjet brenda makinës, 49-vjeçari ishte ende gjallë dhe u dërgua në spital për trajtim mjekësor, ku dhe mundi të mbijetonte.
Natën e vrasjes, Sabrina kishte dalë të festonte me shoqet në lokal. I ati dyshonte se vajza e tij kishte të dashur dhe për këtë arsye besohet se ndërmori aktin ekstrem.
Seanca e radhës gjyqësore ndaj Petrit Lekajt është caktuar të zhvillohet më 4 Shkurt.
/Klan tv
