Javën e kaluar për herë të parë u publikua një video nga dollapi sekret i shtëpisë së Michael Jackson. Vajza e Mbretit të muzikës pop, Paris Jackson, doli në mbrojtje të babait të saj të ndjerë, i cili u akuzua së fundmi për pornografi me të mitur.
Sipas një raporti të policisë amerikane, i publikuar së fundmi nga mediat, në banesën e Michael Jackson, “Neverland” u gjetën foto dhe video pornografike me të mitur.
“Fatkeqësisht, negativiteti gjithnjë shet. Ju kërkoj të injoroni mbetjet dhe parazitët që duan të bëjnë karrierë duke përdhosur babanë tim. Njerëzit e pastër sulmohen gjithnjë dhe koha do të provojë se babai im i dashur ka qenë dhe do të jetë përgjithmonë i pafajshëm”, shkruan ajo në Twitter, në një postim të shoqëruar me një foto-gjest nga i ati i saj.
Burimi: Daily Mail
