Çështja e transparencës së fondeve të mbledhura për tërmetin ka qenë prej fillimit shqetësimi kryesor.
Në tryezën e Këshillit të Ministrave, ku kryeministri Edi Rama mblodhi Komitetin Kombëtar të Rindërtimit, pas tërmetit tragjik të 26 nëntorit, imami Elvis Naçi u shpreh se nëse nuk bëhen transparente donacionet, ai dhe gazetari Marin Mema do të largohen nga ajo tavolinë.
Në vijim të këtij shqetësimi, Ministria e Financave ka publikuar një raport përmes të cilit tregon shumën e parave të mbledhura në portalin zyrtar të qeverisë e-albania.
Sipas këtij raporti, deri më tani janë mbledhur mbi 132 milionë lekë, 2.9 mln euro dhe 310 mijë dollarë.
Shuma e arkëtuar në LEKË
132,912,131.29
Shuma e arkëtuar në EURO
2,797,120.48
Shuma e arkëtuar në USD
310,888.46
