Pak më parë këngëtarja me origjinë shqiptare, Bebe Rexha ka mbërritur në Shqipëri së bashku me të atin e saj.
Këngëtarja po sheh nga afër situatën e vështirë të vendit tonë dhe ka menduar të japë ndihmën e saj.
Së bashku me Bes Kallakun dhe Xhensila Myrtezaj këngëtarja ka udhëtuar drejt Bubqit dhe ka përzgjedhur familjen e parë që do të ndihmojë.
Bëhet fjalë për familjen Musa, e cila për shkak të tërmeteve po jeton në një çadër jashtë banesës së shkatërruar.
Në videot e publikuara në Instastory, Bebe tregon se situata është dramatike dhe kjo familje ka vërtet shumë nevojë për ndihmë.
Këngëtarja ka mbledhur rreth 85 mijë dollarë dhe ato do i përdorë për të gëzuar dy familje.
