Ditën e djeshme policia finalizoi operacionin “Your turn”, ku shkatërroi një rrjet të prostitucionit në kryeqytet.
Në pranga ra edhe 28-vjeçari Hermes Nikaj, i njohur ndryshe si “Zogu i Tiranës”.
Ky i fundit kishte rolin e tutorit, pasi u gjente vajza klientëve, si dhe vendoste çmimet
Në disa raste ai edhe vetëofrohej kundrejt pagesës.
Nikaj është shprehur se gjithçka ka ndodhur kundrejt dëshirës dhe jo me pagesë, shkruan “Balkanweb”.
“Nuk kam ushtruar prostitucion dhe as kam shfrytëzuar njeri për prostitucion. Gjithçka ka ndodhur kundrejt dëshirës jo kundrejt lekëve. Duke qenë se jam i njohur kisha më shumë kontakte dhe ua prezantoja mikeshave të mia dhe i ndihmoja të shkonin në hotel”, mësohet të ketë thënë “Zogu i Tiranës”.
Njëkohësisht janë marrë në pyetje edhe femrat që ishin pjesë e rrjetit.
Ato janë shprehur se shfrytëzoheshin për prostitucion dhe kanë shpjeguar si funksiononte skema.
Çmimet për shërbimet varionin nga 100 euro deri në 700 euro.
Klientët kryesisht ishin të huaj edhe shqiptarë./gazetareforma
