Modelja Slick Woods ka zbuluar se vuan nga një sëmundje e rëndë dhe aktualisht po bën kimioterapi.
23-vjeçarja e cila ka qenë fytyra ikonë e markës së Rihanna-s “Fenty Beauty”, dhe ka sfiluar për “Marc Jacobs” apo “Jeremy Scott”, dha lajmin e trishtë në Instagram të martën, por insistoi se nuk dëshiron të trajtohet si viktimë.
“Si ndjehem në lidhje me kimioterapinë, kjo është për të gjithë ata që duhet ta kalojnë atë”, shkruante ajo në një foto ku dukej mjaft në humor me miqtë e saj.
Postimet e saj mbanin disa nota humori, veçanërisht ai hashtagu #tëpaktënjamqerose .
Postimi i saj bëri që shumë përdorues të mediave sociale të besojnë se ylli i pasarelave ka kancer, megjithëse nuk është e qartë nga se vuan.
Megjithëse kimioterapia përdoret më shpesh për të luftuar kancerin, mund të përdoret gjithashtu si një trajtim për disa sëmundje të palcës së kockave dhe çrregullimeve të sistemit imunitar.
https://www.instagram.com/p/BnCpI-4gbMf/?utm_source=ig_embed
Sidoqoftë, pavarësisht se Slick nuk dha detaje të mëtejshme në lidhje me natyrën e trajtimit të saj, qindra fansa i uruan shërim të shpejtë.
Por duket se disa nga përkrahjet, ose mbase keqardhja, nuk i pëlqeu modeles, e cila me një postim të dytë në Instagram të fotos së djalit të saj 1-vjeçar Saphir, e shprehu mjaft mirë këtë.
