Ariana Grande ka lajmëruar në rrjetet sociale se për shkak të gjendjes së saj shëndetësore të përkeqësuar, i duhet të anullojë disa nga koncertet e saj.
Bëhet fjalë për turin që ajo ka nisur prej disa kohësh të quajtur ‘Sweetener/Thank You, Next’.
“Përshëndetje të dashurit e mi, jam akoma shumë sëmurë. Kam qenë sëmurë që prej shfaqjes së fundit në Londër. Nuk e di si është e mundur por ndjej shumë dhimbje në kokë. Mund të këndoj pa problem, por ndjej shumë dhimbje dhe e kam të vështirë të mar frymë gjatë performancës. Nuk e di se çfarë po ndodh momentalisht me trupin tim, ndaj më duhet pak kohë”, shkruan këngëtarja në postimin e saj në Instastory.
Kjo situatë e saj i ka shqetësuar fansat, të cilët e kanë mbështetur vendimin dhe i kanë uruar shërim të shpejtë.
