Futbollisti i njohur shqiptar, Granit Xhaka, para disa ditësh është bërë baba për herë të parë dhe me siguri tani i ka kuptuar më mirë dashurinë dhe sakrificat e një prindi.
Vetëm pak ditë pas lindjes së vajzës së tij, Ayana-s, mamaja e Granitit feston ditëlindjen e saj.
Sigurisht që futbollisti s’mund ta kalonte këtë ditë speciale pa një urim super të veçantë për të ëmën, që na goditi drejt e në zemër.
View this post on Instagram
“Në këtë botë, unë nuk kam njohur qoftë edhe një njeri të vetëm të të afrohet për së largu për të gjitha vlerat që ti ke si femër, si bashkëshorte, si nënë, si vajzë, si bashkëpuntore, por mbi të gjitha si NJERI. E di që këto fjalë duken të ekzagjeruara për ata që nuk të njohin, por unë i them me krenari dhe sigurinë më të plotë, sepse jam i bindur që kush të njeh jo vetëm që më jep të drejtë, por edhe do shtonte shumë të tjera nga vetja. Ke qenë dhe do mbetesh shembulli im në jetë, edhe pse nuk do arrije dot kurrë të jem as sa gjysma jote! Gezuar ditelindjen nena ime e dashur, personi me i shtrejt ne jeten time.❤️”- shkruan Graniti krahas fotove me mamanë.
