Prej disa ditësh, reperja Rina Balaj është zhdukur nga rrjetet sociale duke lënë në merak fansat e saj.
Ajo nuk lajmëroi përpara se të çaktivizonte llogarinë e saj dhe më vonë profili i Rinës u përdor nga kompania ku Rina bënte pjesë, “On Records”.
Menaxheri i reperes, Met Elshani, tregoi se zgjedhja e Rinës kishte qenë jo vetëm të largohej nga rrjetet sociale por edhe nga muzika.
Megjithatë, ende nuk ka asnjë deklaratë nga Rina, ndërkohë që motra e saj ka treguar se Rina ka ende dëshirë të qëndrojë në heshtje.
Duke qenë se po hapen shumë llogari në emrin e saj, Rudina Balaj, motra e reperes, njoftoi se asnjëra prej tyre nuk është e Rinës.
“Kur Rina ka me pas Instagram-in e vet unë ju informoj vetë, këto të tjerat çka po hapen, nuk është Rina asnjëra.”- shkruan ajo.
Mesa duket, reperja s’ka ende ndërmend t’i rikthehet rrjeteve sociale apo muzikës, duke na lënë kuriozë për jetën e saj të tanishme.
