Këngëtarja më e përfolur e momentit për jetën e saj private, Miley Cyrus, duket se ka pasur probleme serioze me shëndetin e saj.
Gjendja e Miley-t u përkeqësua disa javë më parë dhe ajo u detyrua të shtrohej në spital për shkak të inflamacionit të bajameve.
Mirëpo, duket se Miley s’do mundet ta marrë veten shpejt, pasi nga ky problem i ka prekur edhe kordat vokale.
Burime për “People” kanë treguar se këngëtarja i është nënshtruar një operacioni, ndërsa tashmë është kthyer në shtëpi dhe po kurohet.
Për shkak të këtij problemi, Miley do të qëndrojë larg muzikës për një periudhë kohore prej një viti ose më shumë.
Madje, për disa javë ajo do të qëndrojë e heshtur, në mënyrë që të rikuperohet pas ndërhyrjes.
Fansat e saj janë mërzitur nga ky lajm, duke i uruar shërim sa më të shpejtë këngëtares dhe duke i treguar se po e presin me padurim në skenë.
Përveç fansave, Miley-n po e mbështet edhe familja e saj dhe partneri i ri, Cody Simpson.
