Mbrëmjen e kaluar, Mozzik hodhi në treg këngën e tij më të re me titull “Dhelpër dinake”.
Që në orët e para të publikimit, kënga ka marrë me mijëra klikime dhe është komentuar gjatë në media dhe nga fansat e tij.
Fansat mendojnë se kjo këngë është dedikim për ish-partneren e tij, Loredanën dhe teksti duket se e tregon qartë.
“Dhelpën dinake, e kom dit prej asaj nate. Jena lodh tu bo debate. Ti moj dhelpën dinake, dhelpën dinake. S’ka ma debate, kaq e pate. Hiqmu prej qafe”, është refreni i këngës.
Por jo vetëm për tekstin, ndjekësit mendojnë se klipi i këngës është i frymëzuar nga Noizy dhe thuhet se ky i fundit i ka bërë diss në rrjetet sociale.
Mirëpo, nisur nga këto fjalë, Noizy ka reaguar nëpërmjet një postimi në Instastory ku lë të kuptohet se një gjë e tillë nuk është e vërtetë.
Ai ka publikuar një bisedë të bërë në WhatsApp me dikë dhe thotë: “Gënjejnë, duan që të fusin njerëzit në sherr”.
Noizy dhe Mozzik gjithmonë janë përfolur për marrëdhënie jo të mira me njëri-tjetrin dhe nuk dihet nëse i kanë rregulluar apo jo.
