Mësohet se ka ndërruar jetë Andi Maloku, shoferi i prokurorit Arjan Ndoj të cilit iu bë atentat pak ditë më parë në Durrës.
Maloku, ish-efektiv policie ishte i shtruar në spital për të marrë mjekim pas atentatit, me tre të plagosur.
24-vjeçari nuk i ka përballuar dot plagët e shumta që mori gjatë atentatit dhe për pasojë ka ndërruar jetë.
Në atentat ai u plagos me disa plumba dhe një prej tyre e goditi të riun në shtyllën kurrizore ndërsa një tjetër në mushkëri.
Me vdekjen e tij do të ndryshojë dhe akuza e ngritur nga Krimet e Rënda për autorët e atentatit nga “vrasje e mbetur në tentativë” në “vrasje”.
Deri tani është arrestuar si i dyshar për ngjarjen Redjan Rraja, i afërm i deputetit të PS-së Rrahman Rraja.
