Reshjet e shiut gjatë natës e kanë përkeqësuar situatën në Durrës ditën e sotme.
Pothuajse në të gjitha rrugët e qytetit janë krijuar probleme.
Sipas “Lapsi.al”, rrethrrotullimet hyrëse dhe dalëse në qytet, kryqëzimi tek Stadiumi, kryqëzimi pranë lagjes 17, aksi i brendshëm nga Torra Veneciane, në drejtim të Currilave, janë disa prej pikave më problematike që janë nën ujë që prej mbrëmjes së djeshme.
Pavarësisht se hidrovorët janë në punë, ashtu si dhe shërbimet zjarrfikëse të qytetit dhe të portit, situata vazhdon të jetë e njëjtë.
Madje, përveç kaosit të shkaktuar në rrugë dhe pamundësisë për të qarkulluar, uji ka hyrë edhe në banesa, kryesisht në lagjen 13 në lazh dhe Shkozet.
