Vogëlushi Alvin Berisha ka lënë kampin e të burgosurve Al Hol në Siri, pas një operacioni të inteligjencës italiane.
Në rrjet kanë qarkulluar pamjet e para të të voglit, i cili është shëndoshë e mirë dhe gati për t’u rikthyer në shtëpi.
Alvini pritet që sot të shkojë në Romë, ku jeton prej vitesh babai dhe dy motrat e tij.
Ai ka qëndruar tre ditë në një vend të sigurt në Qamishli, një fshat të veri të Sirisë, ndërsa ditën e djeshme u transferua në një vend të sigurt në Damaskë.
Sipas gazetës italiane “La Republicca”, Alvin u lirua nga kapmi Al Hol falë një korridori humanitar të krijuar nga Kryqi i Kuq dhe homologët e tyre arabë.
Në operacion kanë qenë të pranishme si forcat speciale italiane, ashtu edhe autoritetet shqiptare.
Kjo është hera e parë që prej nisjes së luftës që gjatë një operacioni lirohet një fëmijë nga kampi sirian.
