Ajo deklaroi ndarjen nga i fejuari i saj Nick Young mbrëmjen e së dielës, duke cituar çështjet e besimit si arsye.
Ndërsa lajmi shokoi fansat, duket se vendimi për t’i dhënë fund marrëdhënies prej 2 vite e gjysmë, mund të jetë edhe si një e papritur për këngëtaren Iggy Azalea.
Në një intervistë për “New Weekly” të hënën e kaluar, 26-vjeçarja shpërthen për dasmën e afërt atëhere, duke shkrua në detaje rreth fustanit të nuses dhe numrit të shoqëruesve që do të kishte.
Intervista është për të promovuar yllin e muzikës pop si juriste në konkursin e X Factor në Australi, që u shpall javën e kaluar.
Kur u pyet se si po ecnin planet për dasmën, ajo tha se po shkonin mirë para se të shkonin në detaje për fustanin e saj Armani. Ndërsa shtoi se duhet të shtonte shoqërueset për shkak të familjes së madhe të Nick-ut.
“Ai ka kaq shumë njerëz që po fton dhe kaq shumë shoqërues. Ai ka 12 dhe unë vetëm 4”, u shpreh ajo. Ajo shtoi madje se do të përfshinte një këngë dedikuar tij në albumin e radhës.
Iggy deklaroi ndarjen tre muaj pasi basketbollisti i NBA, u përfshinë në një skandal tradhtie. Reperja australiane e ka bërë publik vendimin e saj nëpërmjet një postimi në Instagram, ku thuhej se ajo nuk ia kishte dalë të rifitonte besimin tek ai.
“Fatkeqësisht, ndonëse e dua Nickun dhe jam përpjekur e ripërpjekur të rifitoj besimin tek ai, është bërë e dukshme këto javët e fundit që nuk mundem. Sinqerisht i uroj Nickut më të mirat. Nuk është e lehtë të ndahesh nga udha me personin me të cilin ke planifikuar gjithë të ardhmen tënde por e ardhmja mund të rishkruhet dhe që nga sot, e imja është një faqe e bardhë”, shkruan Iggy Azalea.
Këto kanë qenë fjalët e 26-vjeçares, e cila pothuajse një vit më parë, mori një propozim fejese nga basketbollisti. Edhe ai vetë e ka konfirmuar ndarjen nëpërmjet një postimi të thjeshtë në Twitter, ku shkruhej vetëm: “Beqar”.
Pas skandalit të 24 marsit, kur u publikua një video në të cilën dëgjohej Young që i mburrej mikut të tij për femra të tjera, çifti u mundua ta kalonte këtë krizë por mesa duket, pa sukses. Iggy dhe Nick kanë qenë të lidhur që prej vitit 2013.
Burimi: Daily Mail
