Shoferi i një urbani në Tiranë është kapur nga policia rrugore në gjendje të dehur.
Shkak për kontrollin është bërë kalimi i semaforit me të kuqe në një nga kryqëzimet më kryesore në Tiranë,.
Kjo për pak sa nuk është kthyer në një tragjedi.
Policia rrugore ka vepruar në kohë, duke e ndaluar shoferin e autobusit.
“Një autobus që kishte më shumë se 80 pasagjerë, vazhdoi lëvizjen ndonëse sinjalizimi i semaforit e ndalonte atë, në një nga kryqëzimet kryesore të kryeqytetit si dhe rezultoi në gjendje të dehur në masën 0.69 mg/l, rrezik potencial që për nga kapaciteti mbartës i autobusit, mund të shkaktonte tragjedi në rrugë, nëse përfshihej në ngjarje rrugore.”,thuhet në njoftimin e policisë.
