Në rast se nuk e dini, po jua themi ne: Heidi Klum e dashuron festën e Halloween-it.
Ajo jo vetëm që e merr shumë seriozisht dhe shndërrohet në personazhet më të vështirë, por ia del plot sukses.
Çdo vit njerëzit mezi presin të dinë sesi do të jetë shndërruar Mbretëresha e Halloween-it dhe këtë vit ishte shumë i frikshëm rezultati.
Modelja gjermane 46-vjeçare ishte veshur si një alien që po sulmonte botën.
Ajo arriti në festën e Halloween-it në New York të enjten, e veshur me një kostum të frikshëm, me zorrët që dukeshin në barkun e saj dhe skeletin jashtë.
Modelja shoqërohej nga bashkëshorti i saj Tom Kaulitz, i cili ishte shndërruar në një astronaut që kishte rënë në dashuri me alienen e tij.
Stafit të Heidi-t iu deshën orë të tëra për të punuar me kostumin e saj dhe na duhet të themi që ia arriti qëllimit edhe këtë vit.
