Aktori i njohur i Hollywoodit Leonardo DiCaprio i është bashkuar fushatës për mbrojtjen e lumit Vjosa nga ndërtimi i hidrocentraleve
Nëpërmjet një postimi në Instagram-in e tij, aktori na ka habitur të gjithëve me fjalët dhe del kategorikisht kundër ndërtimit dhe prekjes së lumit.
DiCaprio shpalos vlerat e veçanta që mbart ky lumë dhe tregon se pavarësisht se mund të sjellin të mira ekonomike, ndërhyrjet në lumë do të jenë një mallkim për këtë bukuri të veçantë.
“Lumi i Vjosës rrjedh nga shpatet e malit Pindu në Greqi dhe derdhet në brigjet e detit Adriatik. Qeveria Shqiptare ka planifikuar një projekt që Vjosa të prodhojë sa më shumë energji elektrike për një nga vendet më të varfëra të Europës duke patur qëllim ndërtimin e 8 HEC-eve përgjatë rrjedhës së saj. Gjatë një studimi vendosin në pikëpyetje rolin fuqizimit përmes ujit. Shumë kritikë thonë se përfitimet e HEC-eve janë të mbivlerësuara. Por ato bllokojnë rrjedhën natyrale të lumenjve dhe ndryshojnë përbërjen kimike të tyre” – shkruan DiCaprio ndër të tjera.
Kundër ndërhyrjeve në këtë lumë kanë qenë shumë artistë të njohur megjithatë reagimi i Leonardo DiCaprio është për t’u vlerësuar duke qenë se fjalët e tij lexohen nga miliona ndjekës.
