Olsi Bylyku dhe partnerja e tij, Egli Tako, janë kthyer në dyshen më të njohur e të komentuar të showbiz-it, të cilët janë bërë thuajse të pandashëm nga njëri-tjetri.
Ata ndajnë në rrjete sociale jo vetëm foto së bashku, por edhe dedikime të shumta e vlerësime që kanë për njëri-tjetrin.
Egli është e para në radhët e publikut që shkon për ta mbështetur aktorin gjatë shfaqjeve të tij dhe nuk mungojnë as surprizat e shumta që partnerët i bëjnë njëri-tjetrit.
Olsi shpesh i vë në dukje Eglit bukurinë e saj në komente në Instagram, duke u shprehur me humor se nuk e kupton pse një vajzë kaq e bukur është lidhur me të.
Mirëpo, partnerja e Olsit duket se ka pasur vetëbesim të ulët disa vite më parë, për shkak të pamjes së saj, më saktë vetullave.
Egli ka ndarë në Instastory një foto ku tregon se vetullat e saj të trasha nuk e bënin të ndihej mirë, megjithëse në foto duket sërish e ëmbël.
“Pas shumë aludimesh mbi pamjen time, por kryesisht VETULLAT, ju prezantoj me Eglin para kredisë. Rroftë piskatorja, jo gjilpëra. Disa gjëra që na ulin vetëbesimin kur jemi fëmijë, na favorizojnë kur rritemi.”- shkruan Egli, duke dhënë një mesazh të rëndësishëm për të gjithë.
