Ndarja e bujshme e Miley Cyrus dhe Liam Hemsworth vetëm 8 muaj pas kurorëzimit të tyre me martesë është bërë kryefjala e të gjitha mediave.
Pas ndarjes së trishtë, të dy po mundohen të gjejnë shërim tek partnerë të rinj.
Miley ka nisur të postojë shpesh foto në rrjete sociale me Cody Simpson, ndërsa Liam është fotografuar në krahët e aktores Maddison Brown.
Megjithatë, për dyshen e famshme Miley-Liam ka ende shpresë dhe këtë e konfirmoi vetë mikesha e ngushtë e Miley-t, Amazon Ashley.
“Ky është vetëm një kapitull i ri. Nuk do surprizohesha nëse ata do ktheheshin sërish bashkë. E ndjej në zemër se ata janë të destinuar për njëri-tjetrin. Ata vazhdimisht gjejnë rrugën drejt lidhjes së tyre. Mendoj se Miley ka qenë më e lumtur se kurrë me Liam-in. Mungesa e bën zemrën të rritet edhe më shumë, ndaj ndarja është e nevojshme që të duash përsëri atë që kishe.”- ka thënë ajo gjatë një interviste.
Epo mesa duket, s’duhet të habitemi nëse pas të gjitha gjërave që ndodhën, do t’i shohim sërish ndonjë ditë Miley-n dhe Liam-in në krahët e njëri-tjetrit!
