Instagram është një ndër rrjetet sociale më të përdorura, i cili i ka fiksuar së fundmi të gjithë përdoruesit e tij me filtrat që duken si ndërhyrje estetike në fytyrë.
Mirëpo, filtrat kaq shumë të përhapur që po i shohim nëpër Story, nuk e kanë të gjatë.
Instagram ka vendosur të heqë të gjithë filtrat që promovojnë kirurgjinë estetike.
Sipas “BBC”, ky vendim vjen pasi synohet të promovohet mirëqenia.
Drejtuesit mendojnë se filtrat që ndryshojnë fytyrën mund t’i bëjnë njerëzit të ndihen keq me pamjen e tyre, ndaj është parë e arsyeshme të bëhet ky ndryshim.
Instagram po merret me heqjen e filtrave dhe ende nuk dihet kur do të përfundojë plotësisht ky proces.
