Jennifer Lawrence dhe Cooke Maroney janë zyrtarisht të martuar.
Të shtunën, fituesja 29-vjeçare e çmimit Oscar dhe partneri i saj, kurorëzuan dashurinë e tyre në martesë.
Nusja për këtë ditë të rëndësishme zgjodhi fustan nga ‘Dior’ , pasi shërben edhe si imazh i firmës.
Lawrence dhe Maroney kishin 150 të ftuar mes tyre edhe disa personazhe të njohur të ekranit si, Adele, Amy Schumer,Kris Jenner, Emma Stone dhe Ashley Olsen.
Ashtu siç u njoftua edhe më parë ceremonia u zhvillua në privatësi të plotë në një kështjellë në Newport, në Rhode Island.
Mediat e huaja shkruajnë se dita nisi me një barbecue para ceremonisë, për të vazhduar me një kokteil, darkën dhe festën deri natën vonë.
Shumë vetë u vendosën jashtë kështjellës, duke u përpjekur të kapin diçka nga eventi dhe nga të ftuarit, por ata erdhën të gjithë të mbuluar nga çadra për të evituar çdo paparac.
