Teksa kthehej në mbrëmje në shtëpi, një grua në Ukrainë është përdhunuar nga një 25-vjeçar shumë pranë shtëpisë së saj.
Ai e kishte sulmuar nga pas, duke e tërhequr tek shkurret.
Mirëpo, bashkëshorti i gruas, i cili ishte kthyer vetëm pak minuta pas saj në shtëpi, kishte dëgjuar zhurmë në shkurre.
Ai ka gjetur 25-vjeçarin duke përdhunuar dhe duke e kapur për fyti gruan e tij , ndaj e ka qëlluar menjëherë në kokë për ta ndaluar.
Më pas, bashkëshorti i gruas ka përdorur thikën e përdhunuesit për t’i prerë këtij të fundit organin gjenital.
Zhurmat dhe thirrjet e shumta kanë sjellë menjëherë banorët e lagjes, të cilët kanë njoftuar policinë dhe ambulancën.
Përdhunuesi ndodhet në spital dhe do t’i nënshtrohet një operacioni të gjatë e të ndërlikuar dhe mjekët ende s’kanë treguar nëse organi i tij do të kthehet në gjendjen e mëparshme.
Ndërsa bashkëshorti, i shokuar, është dorëzuar në polici dhe ka rrëfyer gjithçka që ka ndodhur.
Sipas të dhënave paraprake, përdhunuesi mund të dënohet me pesë vite burg, ndërsa për shkak të sulmit të tij, bashkëshorti mund të dënohet me tetë vite.
