Një muaj më parë, këngëtarja Nicki Minaj i habiti të gjithë fansat e saj me një njoftim në Twitter.
Ajo tregoi se do të largohej nga muzika dhe ky do të ishte një vendim përfundimtar, pasi kishte dëshirë të krijonte familje.
“Kam vendosur të heq dorë nga muzika dhe të krijoj një familje. E di që jeni të lumtur tani. Fansat që më mbështesin, më mbështesin deri në vdekje. Ju dua,” shkruante Nicki në Twitter.
Mirëpo, duket se këngëtarja na ka gënjyer të gjithëve!
Në një intervistë për “Entertainment Tonight”, ajo ka treguar se po sjell një bashkëpunim bombë!
Nicky do të sjellë këngën e re me Adele dhe këtë e ka pohuar në studio.
“Po dhe po, po dhe po! Por Adele më bëri të betohem se nuk më lejohet t’i them askujt që jam duke punuar me të. Ne kemi xhiruar një video tashmë. Dhe është një këngë epike!”- ka thënë ajo.
Gjithashtu, thuhet se Nicki do të bashkëpunojë edhe me Ariana Grande-n dhe Normani-n për një këngë në filmin “Charlie’s Angels”.
