Edicioni i këtij viti i “Këngës Magjike” ka ardhur me ndryshime të mëdha si në juri, ashtu edhe tek konkurrentët për çmimin e parë, mes të cilëve do të ketë edhe plot të huaj.
Pikërisht për këtë arsye, një ndjekës i shkruan producentit të konkursit, Ardit Gjebreas, se i duket i padrejtë fakti që përballë këngëtarëve shqiptarë janë vendosur edhe të huaj, të cilët sipas tij nuk i përmbushin rregullat për të qenë artistë “BIG”.
Për më tepër, ndjekësi mendon se artistët shqiptarë nuk janë në të njëjtat kushte me artistët e huaj për të bërë muzikë.
Pas këtij komenti, Gjebrea nuk ka vonuar ta sqarojë ndjekësin se artistët shqiptarë kanë të njëjtat kushte si artistë e huaj, ndaj ky ishte një vendim mëse normal.
Për më tepër, moderatori e quajti me të drejtë thjesht një çështje inferioriteti nga shqiptarët mendimin se “shqiptarët s’duhet të përballen me të huajt”.
Ndjekësi ka vazhduar t’i mëshojë idesë se “Kënga Magjike” po abuzon me titullin “BIG”, ndërsa Gjebrea i ka bërë publikisht dy gjëra të qarta për publikun: “Kënga Magjike” s’njeh mik e shoqëri!
“Kënga Magjike nuk e njeh konceptin miqësi dhe shoqëri! Fjalën abuzim në adresën time nuk ta lejoj. Nëse të përgjigjem, e bëj jo vetëm për ty, por për të gjithë ata që lexojnë dhe mund të kenë pikëpyetje. Rregullat e këtij viti kanë ndryshuar totalisht dhe ‘Kënga Magjike’ mbylli një kapitull 20 vjeçar dhe ka hapur një të ri që do sjellë shumë surpriza deri në natën Finale. Shumica nuk do jetë më si më parë.”-ka sqaruar Gjebrea, i cili ka premtuar surpriza të tjera deri në natën finale të spektaklit.
