Aktori i njohur turk Tolgahan Sayisman ka folur për lidhjen e tij me Shqipërinë, pasi është martuar me një nga vajzat më të bukura shqiptare, Almedën.
Gjatë vizitës së tij në Kosovë, ai dha një intervistë për “Prive”, ku foli për familjen dhe veçanërisht djalin e tij.
Ai tha se Efehan është gjysmë shqiptar dhe kjo është arsyeja përse nuk ndihet si i huaj sa herë që vjen në trojet shqiptare.
“Është diçka shumë e bukur që gruaja ime është shqiptare nga Tirana. Për shkak të kësaj, edhe djali im është gjysmë shqiptar. Unë nuk ndihem i huaj këtu. Kjo është edhe toka ime. Në Tiranë shkoj shumë shpesh, shpresoj që në vijim edhe vizitat në Kosovë të jenë të shpeshta”, u shpreh Tolga.
Në intervistë aktori foli edhe për serialin më të fundit që po transmetohet, të titulluar “Kampion”. Tolga u shpreh se shpreson që ky serial të transmetohet së shpejti edhe në trojet shqiptare.
