Biznesmeni Elton Ilirjani është kthyer në një ndër personazhet më të komentuar në vendin tonë pas deklaratës së tij publike ku tregoi se është gay.
Madje, këtë muaj ai u shfaq për herë të parë me makeup në emisionin e pasdites “Rudina”, ku mori vëmendjen e të gjithëve.
Duket se këtë periudhë ai ka vendosur të jetë shumë aktiv në media dhe së fundmi ka bërë një intervistë për gazetën “Panorama”.
I pyetur nga gazetarja për meshkujt shqiptarë nëse do i pranonte, ai tha se është shumë pjeshkë për dhëmbët e tyre.
“Ka shumë djem që më gjuajnë në Shqipëri dhe shumë prej tyre janë simpatikë, por kjo nuk e ndryshon situatën, sepse edhe ata janë pjesë e mentalitetit lokal dhe kanë frikë nga opinioni. Domethënë, kanë frikë të jetojnë jetën e tyre se i gjykon mami dhe babi, shokët dhe lagjja etj. Unë s’i përzgjedh fare, sepse janë shumë dobët, më mirë të vazhdojnë të hanë thana si kanë bërë me shekuj. Unë jam shumë pjeshkë për dhëmbët e tyre…”, është shprehur Eltoni.
Ai ka zbuluar gjithashtu se mashkulli që ka pasur fiksim kur ka qenë i vogël është Redon Makashi, ndërsa Fatos Nanos do i propozonte pa u menduar dy herë.
